Ka jingïalehkai phutbol Semi Final ha ka kyrdan Super Division Football Tournament 2023 bala ai kyrteng ‘U Kiang Nangbah Memorial Trophy 2023’ ïa kaba la pynïaid da ka West Jaiñtia District Sports Association, (WJDSA) Jowai kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun Semi Final ba ar ka kynhun ïalehkai jong ka 7 Wasa United kala lah ban pynliem da 1-0 kol ïa ka Nangbah Mulang, ïa katei ka shikol na ka 7 Wasa United la thep da u Niponghi Sumer haka minit kaba 38.
Ka jingïakhun Semi Final ba lai kan long ha ka 9 tarik u Nohrah 2023 hapdeng ka Sailung Ialong pyrshah ïaka 7 Wasa United ha ka por 1:00 PM, kiba jop nangne kin ïoh ban ïakhun Final bad ka Ladthadlaboh.