Ka Amity Cricket Club kala lah ban pynliem ia ka Umshangiar da 7 wickets ha ka jingialehkai Under 19 Cricket bala pyniaid da ka West Jaintia Hills District Cricket Association mynta ka sngi ha Madan Jrisalein Chutwakhu, Jowai.
Kham hashwa ia ka Toss la jop da ka Umshangiar ha kaba ka la jied ban tied nyngkong. Ka Umshangiar kala lah ban kamai 80 runs bad hap lut baroh ki wicket jong ka. U Kamohi Najiar ula lah ban tied 15 runs na ki 20 balls na ka liang ka Amity u Damehi Rangad ula ioh 2 wickets na ki 3 overs, u Puraki Shadap Passah ula ioh 3 wicket na ki 5 overs bad u Chanlangki Lypon ruh ula ioh ban pynhap 3 wickets na ki 4 overs.
Haba heh ia ka thong ka Amity ka la lah ban tied 84 runs. U Riata Lytan ula lah ban tied 37 runs bad u Puraki Shadap Passah 15 runs not out, na ka liang ka Umshangiar u Tremi Phawa ula ioh 1 wickets na ka 3.4 overs bad u Rishanmi Niangti ruh ula ioh 1 wicket na ki 3 overs.
Ia ka nam Man of the Match la iod da u Puraki Shadap Passah uba la ioh 3 wickets na ki 5 over, 15 runs not out.