Ka lympung ïalehkai phutbol jong ka kyrdan Super Division Football Tournament-2024 kaba la tip kum ka 4th Kyrmen Shylla Contribution Trophy ïa kaba la pynïaid da ka East Jaiñtia Hills District Football Association (EJHDFA) kaba la long mynta ka sngi 26 tarik u Naiwieng, 2024 ha madan EJDSA Artificial Turf, Diengshynrum, Khliehriat.
Haba phai sha ka jingïakhun kaba nyngkong ka kynhun ïalehkai jong ka Chiehruphi SYWSC kala pynliem da 4-3 kol ïa ka Ladrymbai-B SC, Ïa ki kol na ka Chiehruphi SYWSC la thep da u Premi Muksor haka minit ba 17, u Meshanki Sympli haka minit ba 24 & 45+4 bad u Sandy Kasar haka minit ba 56. Katba ïa ki kol na ka Ladrymbai-B SC la thep da u Laxman Lamare haka minit ba 34, u Christopher Dkhar haka minit ba 78 bad u Meshanki Sympli haka minit ba 82 (Own Goal).
Ha ka jingïakhun kaba ar hapdeng ka R.Shkenshynriah SC bad ka Thangskai Tiger SC kila poi sha ka jingïakhaid da mar shikol (1-1), ïa ka kol na ka R.Skhenshynriah SC la thep da u Ribiang Dkhar haka minit ba 3. Na ka liang ka Thangskai Tiger SC la thep da u Pynthymme Rymbai haka minit ba 38.
La pyntip ka jingïakhun ha ka sngi 29 tarik u Naiwieng kan long hapdeng ka Chiehruphi SYWSC pyrshah ïa ka R.Shkenshynriah SC haka por 11:45 am, katba ka Sutnga SSCC pyrshah ïa ka Dhana SC haka por 2:15 pm.
