Ka jingïalehkai phutbol bala tip kum ka (L) Kesilroy Pala Invitation Football Tournament 2023 bala pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun Quarter Final ba nyngkong ka CSA Dienchynrum United kala pynliem da 3-1 kol ïa ka 7 Wasa FC, ïa kitei ki kol na ka CSA Dienchynrum United la thep ar kol da u Bantei Lyngdoh haka minit ba 58 & 65 bad u Hanson Pdang haka minit ba 70. Katba ïa ka shikol na ka 7 Wasa FC la thep da u Dashngain Sukhlain haka minit ba 81.
Lyngba kane ka jingjop jong ka CSA Dienchynrum United kala ïoh ban buh jaka ïalade ha ka Semi Final jong kane ka lympung.
La pyntip ba ka jingïakhun Quarter Final ba ar lashai ka sngi 21 tarik kan long hapdeng ka Rymbai Shkenshynriah FC pyrshah ïa ka Mihmyntdu FC.
Ka jingïakhun ba lai haka 22 tarik kan long hadpeng ka Mukhla FC pyrshah ïa ka Ialong FC.
Katba ka jingïakhun ba saw haka 23 tarik kan long hapdeng ka Mynsngat FC pyrshah ïa ka Salaroh FC baroh ki jingïakhun kin long haka por 2 baje nohphai sngi.