Ka lympung ïalehkai phutbol jong ka kyrdan Super Division Football Tournament-2025, kaba la tip kum ka 5th Kyrmen Shylla Contribution Trophy ïa kaba la pynïaid da ka East Jaiñtia Hills District Football Association (EJHDFA) kaba la long mynta ka sngi 21 tarik u Risaw, 2025 ha madan Artificial Turf, Diengshynrum, Khliehriat.
Ha ka jingïakhun ba nyngkong ka Dhana CSC kala jop da 1-0 kol ïaka Ladrymbai-B SC, ïa katei ka kol na ka Dhana CSC la thep da u Phonlangki Khaïi haka minit ba 25.
Katba ha ka jingïakhun kaba ar ka Diengshynrum SC kala jop da 2-0 kol ïa ka Sutnga SSCC, ïa kitei ki kol na ka Diengshynrum SC la thep da u Khrehbha Lyngdoh haka minit ba 9 bad u Kerlang Tlang haka minit ba 77.
Ka jingïakhun haka 24 tarik kan long hapdeng ka Thangskai Tiger SC pyrshah ïa ka Dhana CSC, katba ka Chiehruphi SYWSC kan ïakhun pyrshah ïa ka R. Shkenshynriah SC.
