Ka West Jaiñtia District Sports Association (WJDSA) mynta ka sngi kala sdang ïa ka Independence Day Cub Under-17 Football Tournament 2023 ïa kaba la pynlong ha madan Kiang Nangbah Stadium, Dongmihsngi Jowai.
Ha kane ka lympung kila don haduh phra tylli ki Pool, ha ka jingïakhun jong ka Pool-A mynta ka sngi ka Dongmihsngi kala lah ban pynliem da 2-0 kol ïa ka Lumchyrmang Mihmyntdu, ïa kitei ki kol na ka Dongmihsngi la thep da u Robert A Tang ha ka minit ba 2 bad u Modify Sutnga haka minit ba 60.
Katba ha ka jingïakhun kaba ar Mynthong kala pynliem da 2-0 kol ïa ka Pynthor Youth Social Welfare, ïa ki kol na ka mynthong la thep da ka Decently Talang ha ka minit ba 12 bad u Batskhem Dkhar haka minit ba 14.