Ka lympung ïalehkai kaba la tip kum ka 12th Chatister Kharkongor Memorial Trophy jong ka kyrdan 1st Division Football Tournament 2024, bala pynïaid da ka West Jaiñtia District Sports Association (WJDSA) Jowai kaba la long mynta ka sngi 24 tarik u Risaw ha madan Kiang Nangbah Stadium, Jowai.
Haba phai sha ka jingïakhun mynta ka sngi ka kynhun ïalehkai jong ka Dulong kala jop haduh 11-0 kol ïa ka Sabahmuswang, ïa kitei ki kol na ka Dulong la thep da u Nickyboy Swer haka minit ba 1, 43 & 84, u Wansa oo Laloo haka minit ba 11, 42 & 53, u Rimitre Lytan haka minit ba 35 & 73, u Dawanmonmi Mynsong haka minit ba 44 & 61 bad u Meshwaki Dkhar (Own Goal) haka minit ba 87.
Ka jingïakhun lashai ka sngi 25 tarik u Risaw kan long hapdeng ka Mookyndur pyrshah ïa ka Mooknor Thadmuthlong ha ka por 2 baje nohphai sngi.