Ka jingialehkai U-18 Boys Football Division jong ka 5th Meghalaya Games 2024 kaba dang iaid shait shait mynta ka sngi ha Tura ka East Jaiñtia ka la long ka nongjop ha kaba ka la pynliem ia ka Ri Bhoi District da 3-1 kol.
Ka jingiakhun na baroh ki team ka long kaba iakhaid hynrei ka jingtriem jong ki nongialehkai jong ka East Jaiñtia kila ioh ban pynkhih ia ka jar shikol ha ka kyllastep jong ka jingialehkai.
Ha ka jingiakhun jong ka kyllamiet ka East Jaiñtia kala ioh ban pynkhih jar shuh shuh sa ar tylli ki kol. Katba ka Ri Bhoi pat kala ioh ban pynphai noh tang kawei ka kol.
Kumta ka East Jaiñtia kala ioh ban pynliem ia ka Ri Bhoi da 3-1 kol.
Ha kawei pat ka jingiakhun mynta ka sngi, ka West Garo Hills kala lah ban pynliem ia ka South West Khasi Hills da 5-0 kol.
