Ha ka jingïakhun phainal jong ka jingïalehkai Softball bala pynlong mynta ka sngi 23 tarik ha madan Jrisaleiñ shi bynta na ka 6th Meghalaya Games, na ka liang ka kynhun ïalehkai jong ka East Khasi Hills District (EKH) ka la jop bad khur takma ksiar ha baroh ar kynhun jong ki khynnah shynrang bad ki kynthei.
Katba ka kynhun ïalehkai jong ka East Jaiñtia Hills kala ïoh ïa ka takma rupa katba bad ka Ri-Bhoi District kala ïoh ïaka takma rnong ha ka liang ki shynrang. Ha ka liang ki kynthei ka West Jaintia Hills District kala ïoh ïa ka takma rupa, katba ka West Khasi Hills District kala ïoh ïa ka takma rnong.
Ka Neha Hajong na EKH kala ïoh ïaka nam best pitcher haka liang ki kynthei bad u Shongdor Shangpliang haka liang ki shynrang, ka Fatima Dkhar bad ka Luiza Tamang kila ïoh ïa ka nam Best Catcher bad ka nam Best Hitter. Katba u Wadphang Phawa bad u Sandy Kharchandy kila ïoh ïa ka nam Best Catcher bad Best Hitter Awards haka liang ki shynrang.
Ïa ki khusnam sha ki nongjop la sam da u bah B.S. Sohliya, IAS, Deputy Commissioner ka West Jaiñtia Hills, u President ka Meghalaya Sports Association Dr. Aman Warr, u bah R.H Rapsang, Joint Secretary ka MSA, u bah D Shabong, Working President ka MSA nalor kiwei ki.
