Ka Iong I Dahi, ka Samaro bad ka Riatsaliya Mihmyntdu kila long ki nongjop ha ka jingialehkai 3rd Division Football Tournament 2022 jong ka “2nd U Adelbert Laloo Memorial Trophy” ba pyniaid da ka West Jaiñtia District Sports Association (WJDSA) mynta ka sngi ha madan Kiang Nangbah Stadium Jowai.
Ha ka jingiakhun kaba nyngkong ka Iong I Dahi kala pynliem ia ka Nangbah Khloopano da 4-1 kol. Ki nongthep kol jong ka Iong I Dahi ki long u Atal Shylla uba la iohthep kol ha ka minit kaba 32, u Kerot Phawa uba la ioh thep kol ar tylli ha ka minit kaba 38 bad 66 katba u Denies Lyngdoh ula ioh thep kol ha ka minit kaba 80+1. U nongthep kol jong ka Nangbah Khloopano u dei Teibor Lamare ha ka minit kaba 47.
Ha ka jingiakhun kaba ar ka Samaro kala pynliem ia ka Khliehmyntdu Neinchnong da 3-0 kol. Ki nongthep kol ki long u Forward Pdang uba la iohthep ar kol ha ka minit kaba 32 bad 63 bad u Reformer Bareh uba la iohthep kol ha ka minit kaba 61.
Ha ka jingiakhun kaba lai ka Riatsaliya Mihmyntdu kala pynliem ia ka Saindu Mihmyntdu da 3-2 kol. Ki nongthep kol jong ka Riatsaliya Mihmyntdu ki long u Soki Dkhar ha ka minit kaba 20, u Marlang Chyrmang ha ka minit kaba 45 bad u Nehlang Dkhar ha ka minit kaba 79. Katba ki nongthep kol jong ka Saindur Mihmyntdu ki long u Haowanki Lamin ha ka minit kaba 10 bad u Lamjingshai Thawmuid ha ka minit kaba 12.