Ka lympung ïalehkai 3rd U Adelbert Laloo Memorial Trophy jong ka kyrdan 3rd Division Football Tournament 2023, ba la pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun kaba nyngkong ka kynhun ïalehkai jong ka Iooksi Youth Welfare kala pynliem da 3-1 kol ïa ka Moodymmai, ïa ki kol na ka Iooksi Youth Welfare la thep da u Pyrkhat Paslein haka minit ba 36, u Ngaitmi Syngkon haka minit ba 56 bad u Pyrshang Tangliang haka minit ba 62. Ïa ka shikol na ka Moodymmai la thep da u Teimi Passah haka minit ba 29.
Katba ha ka jingïakhun kaba ar ka Risingsun Mukhla kala pynliem haduh 5-0 kol ïa ka Mookynphad Mihmyntdu, ïa ki kol na ka Rising sun Mukhla la thep da u Melvin Lyngdoh haka minit ba 17 & 39, u Nathan Suna haka minit ba 61, u Pynyoo Bang haka minit ba 69 bad u Chembun Suna haka minit ba 70.
Ka jingïakhun lashai ka sngi 8 tarik Nailar kan long hapdeng ka Mookaswan Dongneiñ pyrshah ïaka Newhills haka por 10 shiteng mynstep, ka Khliehshnong Ialong kan ïakhun pyrshah ïaka Salaroh haka por 12 baje shiteng sngi. Ka Samaro pyrshah ïa ka Mulang Ialong ha por 1 baje shiteng nohphai sngi bad ka Nangbah Khloopano pyrshah ïa ka Madan Thadmuthlong ha ka por 3 baje nohphai sngi.