Ka lympung ïalehkai phutbol ba la tip kum ka ‘Open To All Knockout Football Tournament, 2022’ ba la pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun ba nyngkong na ka liang ka kynhun ïalehkai jong ka Jaraiñ FC kala lah ban pynliem haduh 8-0 kol ïa ka Chirupdeilang, ïa kitei ki kol na ka Jaraiñ FC la thep da u Riborlang Dkhar saw kol ha ka minit ba 11, 14, 29 &76, u Welmison Dkhar lai kol ha ka minit ba 49, 61 & 73, katba u Knerkitlang Buam ula thep shi kol ha ka minit ba 64.
Katba ha ka jingïakhun kaba ar ka kynhun jong ka Mukha Ialong kala lah ban pynliem syndon ïa ka Lama Youth FC lyngba ka jingïashut Tie Breaker da 3-2 kol.
La pyntip ba ka jingïalehkai lashai ka sngi 16 tarik ha ka por 2 baje nohphai sngi ka Ladthadlaboh kan ïakhun pyrshah ïa ka Sailang FC Wapung.