Ha ka jingrakhe ia ka World No Tobacco Day (WNTD) ka tnat NTCP Meghalaya bad ka Education Department ha ka jingiatreilang bad ka Sambandh Health Foundation kila lah ban pynlong ia kane ka campaign kaba jop da ka jingiashim bynta jong ki khynnah skul ha ki ar tylli ki kam (activities) kita ki long ‘Jingiaid Rally pyrshah duma’ bad ka ‘Signature Campaign’.
Ki skul kiba la jop ha kane ka prokram na West Jaiñtia ki kynthup ia ka Kharkhana Govt. LP School, Kharkhana na ka liang ki LP Skul, ka Madankhliehriat Presbyterian UP School, Mowkaiaw na ki Upper Primary Skul, ka Tome Memorial Secondary School, Jowai na ki Secondary Skul bad ka Laishnong HSS na ki Higher Secondary.
Tang ha West Jaiñtia Hills District ki don 794 tylli ki skul kiba la iashim bynta ha kine ki ar tylli ki prokram. Kila don haduh 40,422 ngut ki khynnah skul kila lah ban pynlong ia ka jingsoi kyrteng (Signature Campaign) bad kila ioh haduh 8,21,447 tylli ki jingsoi.
Na ka liang jong ki bor pyniaid kila ai khublei ia ka tnad DSEO, DMC, SDSEO, ia u Deputy Commissioner ka West Jaiñtia Hills District u bah Batlang Samuel Sohliya, IAS. Kila iaroh ruh ia ki Nodal Officer, ki BMCs BRPs, CRCs, ki Principal bad ki Nonghikai baroh kiba la shimkhia ban pynlong ia kane ka prokram kaba jop.
Kane ka jingshimkhia jong ki skul bapher bapher hapoh ka jylla Meghalaya lyngba ki Block bad ki District kala pynlong ia ka jylla ban jop ia ka khusnam na ka World Health Organization Award 2023 hapoh Southeast Asia Region.