Ka lympung ïalehkai phutbol “Independence Day Cup” Under-17 Football Tournament 2024 bala pynïaid da ka West Jaiñtia District Sports Association (WJDSA) Jowai kaba la long mynta ka sngi 6 tarik u Nailar ha madan Kiang Nangbah Stadium Dongmihsngi, Jowai, kala nang iaid shakhmat.
Haba phai sha ka jingïakhun ba nyngkong ka kynhun ïalehkai jong ka Khimusniang kala pynliem da 3-1 kol ïa ka Caroline, ïa ki kol na ka Khimusniang la thep da u Thaslang Syrti haka minit ba 34 & 46 bad u Meroily Lytan haka minit ba 59. Ïa ka shikol na ka Caroline la thep da u Hopefulson Maskut haka minit ba 38.
Katba ha ka jingïakhun kaba ar ka 7 Wasa kala pynliem da 4-1 kol ïa ka Khliehmyntang Ialong, ïa ki kol na ka 7 Wasa la thep da u Riphi o Shylla haka minit ba 7, u Kamjuhhi Phawa haka minit ba 44, u Overson Shullai haka minit ba 51 bad u Rikunei Dhar haka minit ba 55. Katba ïa ka shikol na ka Khliehmyntang Ialong la thep da u Sayn Bryan Pale haka minit ba 60.