[Haduh 201 runs marwei kamai u Kenite Star Bareh] –
Ka Khimusniang mynta ka sngi ka la jop da 282 runs pyrshah ïa ka Umshangiar ha ka jingïalehkai Cricket Under-19 Boys ba la pynïaid da ka West Jaiñtia Hills District Cricket Association, ha madan Jrisaleiñ, Jowai
Haba phai sha ka jingïalehkai ïa ka jingkynting pisa la jop da ka Khimusniang kaba la jied ban tied nyngkong, da kaba kamai haduh 360 runs bad hap 7 wickets na ki 35 overs.
U rangïalehkai jong ka Khimusniang u Kenite Star Bareh ula kamai tang marwei haduh 201 runs na ki 112 balls bad tied haduh 38 tylli ki (four), ar tylli ki (six) khlem out satia haduh ba kut jong ka jingïakhun bad u E. Dkhar ula ïoh 50 run na ki 52 bol.
Haba wan ban beh ïaka thong ka Umshangiar kala lah ban poi tang 78 runs bad hap lut baroh ki Wickets tang hapoh ka 13 overs, u Raikut Dkhat ula ïoh 21 runs na ki 10 balls. U nongkawang bol jong ka Khimusniang ula khur haduh 6 wickets na ki 7 over.
