Ka Khliehmuchut Shangpung, Mulang Ialong bad ka Pateinki Sabah kila long ki nongjop ha ka jingialehkai 3rd Division jong ka ‘2nd U Adelbert Laloo Memorial Trophy’ ba la pyniaid da ka West Jaiñtia District Sports Association (WJDSA) mynta ka sngi, ha Kiang Nangbah Stadium Jowai.
Ha ka jingiakhun ba nyngkong Khliehmuchut Shangpung kala pynlie ia ka Lumchyrmang Mihmyntdu da 2-0 kol. Ki nongthep kol ki long u Banteilut Langstang ha ka minit kaba 52 bad u Elizer Suiam ha ka minit kaba 54.
Ha ka jingïakhun ba ar ka Mulang Ialong kala pynliem ia ka Tpep-Pale da 4-2 kol.
Ki nongthepkol jong ka Mulang Ialang ki long u Tellme Mulieh uba la ioh thep kol ha ka minit kaba 5, u Ngait Mulieh ha ka minit kaba 17, u Feeling Mulieh ha ka minit kaba 68 bad u Coming Mulieh ha ka minit kaba 71.
Ki nongthepkol jong ka Tpep-Pale pat ki long u Dasani Pakma uba la ioh thep kol ha ka minit kaba 19 bad u Reyner K Muja tuba la ioh thep kol ha ka minit kaba 53.
Katba ha ka jingiakhun kaba lai ka Pateinki Sabah kala pynliem ia ka Kseh Sylle Ialong da 2-0 kol. Ki nongthepkol ki long u Premi Kyndait uba la ioh thep kol ha ka minit kaba 30 bad u Wanmi Shylla uba la thep kol ha ka minit kaba 80+1.