Ka jingïalehkai phutbol 1st Division bala pynïaid da ka East Jaiñtia Hills District Football Association (EJHDFA) kaba la long mynta ka sngi ha madan Deinchynrum, Khliehriat.
Haba phai sha ka jingïakhun hapdeng ka Chiehruphi SYWSC bad ka R. Synrang Shahkhain kila poi sha ka jingïakhaid da mar shikol (1-1).
Ïa ka kol na ka Chiehruphi la thep da u Defender Pajat ha ka minit ba 47. Katba na ka R. Synrang Shahkhain la thep da u Richard Dkhar ha ka minit ba 83.
Ha ka jingïakhun kaba ar ka kynhun ïalehkai jong ka Khliehriat West FC ka la jop da 1-0 ïa ka Bataw YWSC bad ïa katei ka kol na ka Khliehriat West la thep da u Mihlang Sutnga ha ka minit ba 69.