Ka lympung ïalehkai jong ka kyrdan Super Division Football Tournament 2023 kaba la long mynta ka sngi ha madan Deinchynrum, EJHD bala pynïaid da ka East Jaiñtia Hills District Football Association (EJHDFA).
Haba phai sha ka jingïakhun kaba nyngkong na ka liang ka kynhun ïalehkai jong ka Thangskai Tiger SC bad ka Dhana SC kila poi sha ka jingïakhaid da mar shi kol 1-1. Ïa ka kol na ka Thangskai Tiger SC la thep da u Shanlang Rymbai haka minit ba 12, katba na ka Dhana SC la thep da u Wanlam Kassar haka minit ba 7.
Ha ka jingïakhun kaba ar ka kynhun jong ka Khliehriat West YWSC kala lah ban pynliem da 3-1 kol ïa ka Moolamanoh SC, ïa ki kol na ka Khliehriat West YWSC la thep da u Kerlang Tlang haka minit ba 16 bad u Embor Lamare haka minit ba 23 & 55. Katba na ka Moolamanoh SC la thep da u Kiming Dkhar haka minit ba 90+3.
Ka jingïakhun haka 11.11.2023 kan long hapdeng ka R. Wahshnong SC pyrshah ïa ka Sutnga SSCC bad ka R. Iawpynsing SC pyrshah ïa ka R. Shkenshynriah SC.