Ïa ka District Level Science, Mathematics & Environment Exhibition la pynlong mynta ka sngi 20 tarik u Lber da ka ophis jong ka District School Education Officer, West Jaiñtia Hills ha Jowai Public School, Jowai halor ka phang kaba ong “Science and Technology for Sustainable future”.
Ha kane ka Exhibition jong ki khynnah skul la wan ban ïashim bynta da ki 11 tylli ki skul kiba hap hapoh ka sor Jowai bad na ki jaka kyndong kiba don marjan.
Ha ka jingpyni ïa ka jingtbit jong ki khynnah skul, ka KJP Synod Higher Secondary School kala wan ba nyngkong ha kane ka District Level Science, Mathematics and Environment Exhibition, wan ba ar ka Government Boys’ Higher Secondary School bad ba lai ka Seiñraij Higher Secondary School.
