Ka ka Kseh Sylle Ialong bad Lumchyrmang Mihmyntdu kila long ki nongjop katba ka Mulang Ialong bad Lumpyrdi Iongpiah kila iakhaid ha ka jingialehkai 3rd Division Football Tournament 2022 jong ka “2nd U Adelbert Laloo Memorial Trophy” ba pyniaid da ka West Jaiñtia District Sports Association (WJDSA) hynnin ka sngi ha madan Kiang Nangbah Stadium Jowai.
Ha ka jingiakhun jong ka game kaba nyngkong hapdeng ka Mulang Ialong bad ka Lumpyrdi Iongpiah kila poi sha ka jingiakhaid da 0-0 kol.
Ha ka jingiakhun jong ka game kaba ar ka Kseh Shylle Ialong kala pynliem ia ka Samaro da 2-0 kol. Kawei na kine ki kol la thep bakla sha la ka jong ka kol da u Deibor Bareh (OG) ha ka minit kaba 33 bad u Sunidonhi Rymbai ula ioh ban thep kol ha ka minit kaba 63.
Ha ka jingiakhun kaba lai ka Lumchyrmang Mihmyntdu kala pynliem ia ka Riatsaliya Mihmyntdu da 3-0 kol. Ki nongthepkol ki long u Freddy Chyrmang ha ka shiminit jong ka jingialehkai, u Shngain Phawa ha ka minit kaba 62 bad u Kerlang Kyndiat ha ka minit kaba 80+2.