Ka lympung ïalehkai 3rd U Adelbert Laloo Memorial Trophy jong ka kyrdan 3rd Division Football Tournament 2023, ba la pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun kaba nyngkong ka Kseh Sylle Ialong kala pynliem da 2-1 kol ïa ka Tympang, ïa kitei ki kol na ka Kseh Sylle Ialong la thep da u Wanbiang Suchiang ha ka minit ba 3 bad u Niawki Phawa ha ka minit ba 70+1. Ïa ka kol na ka Tympang la thep da u Niwan oo Lamare ha ka minit ba 49.
Katba ha ka jingïakhun kaba ar ka Madankynsaw Mawkyndeng kala pynliem da 2-0 kol ïa ka Mookaswan Dongwah, ïa kitei ki ar kol na ka Madankynsaw Mawkyndeng la thep da u Chareson Tyngkan ha ka minit ba 32 bad u Dangri Phawa ha ka minit ba 68.
Ka jingïakhun lashai ka sngi 5 tarik Nailar kan long hapdeng ka SCSC Nonglatem pyrshah ïaka Mukhla Umlangchor haka por 10 shiteng mynstep, katba ka Loompyrdi Iongpiah kan ïakhun pyrshah ïaka Nangbah Pohshnong haka por 12 baje shiteng sngi.