Ka lympung ïalehkai phutbol jong ka kyrdan ‘Super Division Football Tournament – 2024’ ïa kaba la tip kum ka “U Kiang Nangbah Memorial Trophy” bala pynïaid da ka West Jaiñtia District Sports Association, (WJDSA) Jowai kaba la long mynta ka sngi 3 tarik u Nohprah ha madan Kiang Nangbah Stadium, Dongmihsngi Jowai.
Ha ka jingïakhun Semi Final kaba ar ka kynhun ïalehkai jong ka Ladthadlaboh kala pynliem da 2-0 kol ïa ka Wahiajer, ïa ki kol na ka Ladthadlaboh SC la thep da u Raimiki Challam haka minit ba 34 bad u Samuel Phawa haka minit ba 62.
Lyngba kane ka jingjop jong ka Ladthadlaboh SC kan ïakhun phainal pyrshah ïa ka Nangbah Mulang ha ka 7 tarik u Nohprah ban ïoh rung sha ka phainal jong kane ka lympung.