Ka lympung ïalehkai phutbol ki khynnah skul kaba la tip kum ka ‘District Level Inter School Subroto Mukherjee Cup Football Tournament 2024’ bala pynïaid da ka ophis jong u District Sports Officer West Jaiñtia Hills District, Jowai kaba la long mynta ka sngi 12 tarik u Jylliew ha madan Kiang Nangbah Stadium, Jowai.
Haba phai sha ka jingïakhun ba nyngkong mynta ka sngi ha ka kyrdan Under-17 (Boys) ka Lumpyrtuh Sec. School kala lah ban pynliem da 2-1 kol ïa ka Jowai Presbyterian H/S School. Ka Nongbareh Lyntiar Sec. School kala pynliem da 1-0 kol ïaka Police Public Sec. School.
Ha ka kyrdan U-15 Boys Jowai Presbyterian U/P School kala lah ban pynliem da 2-1 kol ïa ka Mihmyntdu Sec. School da ka jingïashut Tie Breaker. Ka Sabahmuswang U/P SSA School kala jop lyngba ka jingïashut Tie Breaker da 4-2 kol ïaka Larnai SSA U/P School.
Katba ka Dominic English U/P School, Namdong kala pynliem da 4-0 kol ïa ka Don Bosco Sec School.
Lashai ka sngi 13 tarik ha ka kyrdan U-15 Boys kin don haduh saw tylli ki jingïakhun.