Ka lympung ïalehkai phutbol Independence Day Cub Under-17 Football Tournament 2023 bala pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun ka Luti Tuber Ialong ka la pynliem da 1-0 kol ïa ka Lumpariat, ïa katei ka shi kol na ka Luti Tuber Ialong la thep da u Denis Mulieh haka minit ba 36.
Katba ha ka jingïakhun kaba ar kaba la long hapdeng ka Tpep-Pale pyrshah ïa ka Mooknor Thadmuthlong kila poi sha ka jingïakhaid da mar shikol 1-1. Ïa ka kol na ka Tpeppale la thep da u Jopibromitre Dkhar haka minit ba 33, na ka liang ka Mooknor Thadmuthlong la thep da u Heinthrang Lyngdoh haka minit ba 30.
Ka jingïakhun lashai ka sngi 25 tarik kan long hapdeng ka Dongmihsngi pyrshah ïa ka 7 Wasa haka por 1 baje shiteng nohphai sngi, katba ka Mynthong kan ïakhun pyrshah ïa ka Sohmynting haka por 3 baje nohphai sngi.