Ka lympung ïalehkai phutbol jong ka kyrdan 1st Division Football Tournament, 2022 ïa kaba la ai kyrteng ka ‘Chatister Kharkongor Memorial Trophy’, kaba la long mynta ka sngi ha madan Kiang Nangbah Stadium, Dongmihsngi Jowai.
Ïa kane ka lympung la pynïaid da ka (WJDSA) shi bynta na ka jingrakhe jubilee ksiar ka Association kaba la jam sha u mawmer ba 50 snem jong ka jingshakri ban pynkiew ïa ka kam ïalehkai Sports hapoh ka District.
Haba phai sha ka jingïakhun mynta ka sngi na ka liang ka kynhun ïalehkai jong ka Luti Tuber Ialong SC kala lah ban pynliem da 3-1 kol ïa ka Chutwakhu SC 3-1, ïa kitei ki kol na ka Luti Tuber Ialong SC la thep ar kol da u Marbhah Dhar ha ka minit ba 80 & 85 bad u Masan War ha ka minit ba 90+1.
Katba na ka liang jong ka Chutwakhu SC ka la ïoh ban thep tang kawei ka kol lyngba u Raplin Ramut ha ka minit ba 35 mins, haduh ba kut jong ka jingïakhun kala neh 3-1 kol.
Ka jingïalehkai lashai ka sngi 01 tarik u Naiwieng kan long hadpeng ka Nangbah Iawmusiang SC pyrshah ïa ka Mukhla Evergreen SC ha ka por 2 baje shiteng nohphai sngi.