Ka Madan Thadmuthlong, Madankynsaw Mookyndeng bad Risingsun Mukhla ha ka jingialehkai 3rd Division jong ka ‘2nd U Adelbert Laloo Memorial Trophy’ ba la pyniaid da ka West Jaiñtia District Sports Association (WJDSA) mynta ka sngi, ha Kiang Nangbah Stadium Jowai.
Ha ka jingiakhun ba nyngkong ka Madan Thadmuthlong kala pynliem ia ka Pammanik da 5-2 kol. Ki nongthepkol jong ka Madan Thadmuthlong ki dei u Manhok Suchiang uba la ioh thep kol ha ka minit kaba 13, u Pyniaidmiki Tang ula ioh ban thep ar kol ha ka minit kaba 31 bad 51, kumjuh ruh u Precious Tang ula ioh ban thep ar kol ha ka minit kaba 67 bad kaba 80+2.
Ki nongthep kol jong ka Pammanik ki dei u Jamris Talang uba la thep kol ha ka minit kaba 49 bad u Iowsar Suchiang ha ka minit kaba 76.
Ha ka jingïakhun ba ar ka Madankynsaw Mookyndeng kala pynliem ia ka Catholic Youth Mihmyntdu da 6-0 kol. Ki nongthepkol ki long u Dangri Phawa uba la ioh ban thep haduh lai kol kata ha ka minit kaba 33, 69 bad 72, u Heiwamut Lamare ha ka minit kaba 54 bad u Carnelius Suchiang ula ioh ban thep ar kol ha ka minit kaba 56 bad 66.
Katba ha ka jingiakhun kaba lai ka Risingsun Mukhla kala pynliem ia ka Mookaswan Dongnein da 2-0 kol. Ki nongthepkol ki dei u Kestar Pyrtuh uba la ioh ban thep kol ha ka minit kaba 41 bad u Pynhunmiki Skhemiew ha ka minit kaba 54.