Ka lympung ïalehkai phutbol bala tip kum ka Thadlaskeiñ Football League 2024 bala pynïaid da ka Thadlaskeiñ Sport Association kaba la long mynta ka sngi 11 tarik u Kyllalyngkot, 2025 ha madan mini Stadium Wahiajer West Jaiñtia Hills District.
Haba phai sha ka jingïakhun ba nyngkong ka Madur kala lah ban pynliem da 5-1 kol ïaka Madansynrang, ïa ki kol na ka Madur la thep da u Ribait Suting haka minit ba 11, u Donald Siangshai haka minit ba 22, 39, 44 bad 51. Katba ïa ka shikol na ka Madansynrang la thep da u Iaidtur Nangbah haka minit ba 3.
Ha ka jingïakhun kaba ar ka Myngkrem kala pynliem da 2-0 kol ïa ka Laru, ïa ki kol na ka Myngkrem la thep da u Clemalson Khynriam haka minit ba 24 bad u Rostar Khynriam haka minit ba 45.
Katba ha ka jingïakhun kaba lai kaba la long hapdeng ka Niriang pyrshah ïa ka Lad Mukhla kila poi sha ka jingïakhiad khlem don kiba ïoh ban thep kol.
La pyntip ka jingïakhun ha ka 13/1/2025 sngi Monday haka por 10 baje mynstep kan long hapdeng ka Nangroi i SC pyrshah ïaka The A team, haka por 12 baje shiteng sngi ka Khliehtyrshi pyrshah ïa ka Thadmusem bad ha ka por 2 baje nohphai sngi ka Ummulong pyrshah ïa ka Lummuriap.