Ka Maitshaphrang Mootyrshiah, Madankynsaw Mookyndeng bad ka Madan Thadmuthlong kila long ki nongjop ha ka jingialehkai 3rd Division Football Tournament 2022 jong ka “2nd U Adelbert Laloo Memorial Trophy” ba pyniaid da ka West Jaiñtia District Sports Association (WJDSA) mynta ka sngi ha madan Kiang Nangbah Stadium Jowai.
Ha ka jingiakhun kaba nyngkong ka Maitshaphrang Mootyrshiah kala pynliem ia ka Pateinki Sabah da 1-0 kol. Ia kane ka kol jop la ioh ban thep da u Raymon Sten ha ka minit kaba 73.
Ha ka jingiakhun kaba ar ka Madankynsaw Mookyndeng kala pynliem ia ka Mupliang da 5-2 kol. Ki nongthep kol jong ka Madankynsaw Mookyndeng ki long u Cornelius Suchiang uba la ioh thep ar tylli ki kol kawei ha ka minit kaba 8 bad kawei pat ha ka minit kaba 39, u Ferdinand Sayoo ula ioh ban thep shikol ha ka minit kaba 12, katba u Dongri Phawa ula ioh ban the par kol kata ha ka minit kaba 18 bad kaba 56. U nongthep kol jong ka Mupliang u dei u Emi Ianga Phawa uba la ioh ban thep 2 tylli ki kol marwei ha ka minit kaba 1 bad kaba 76.
Ha ka jingiakhun kaba lai ka Madan Thadmuthlong kala pynliem ia ka Tpep-pale da 3-0 kol. Ki nongthep kol jong ka Madan Thadmuthlong ki long u Precious Tang uba la ioh ban the par kol kata ha ka minit kaba 29 bad 76, u Manhok Suchiang uba la ioh thep kol ha ka minit kaba 68.