Ka lympung ïalehkai phutbol bala tip kum ka Thadlaskeiñ Football League 2024 bala pynïaid da ka Thadlaskeiñ Sport Association kaba la long mynta ka sngi 19 tarik u Nohprah, 2024 ha madan mini stadium Wahiajer West Jaiñtia Hills District.
Haba phai sha ka jingïakhun ba nyngkong haka por 10 baje mynstep kaba la long hapdeng ka Thadmusem pyrshah ïa ka The A Team, kila poi sha ka jingïakhaid khlem don kiba ïoh ban thep kol (0-0).
Ha ka jingïakhun ba ar haka por 12 baje mynsngi na ka liang ka kynhun jong ka Malngiang kala lah ban pynliem da 1-0 kol ïa ka Ummulong SC, ïa katei ka shikol na ka Malngiang la thep da u Knerlang Dhar haka minit ba 41.
Katba ha ka jingïakhun ba lai ha ka por 2 baje nohphai sngi hapdeng ka Lummuriap SC pyrshah ïa ka Nongkharai kila ïakhaid 0-0.
La pyntip ka jingïakhun lashai ka sngi 20/12/2024 ha ka por 10 baje mynstep ka Jalapang SC vrs Morathud. Ha ka por 12:00 pm ka Sohphoh vrs United SC. Ha ka por 2:00 pm. Ka Heibor Iong i FC vrs Mukhla Sohshrieh.