Ka jingiakhun Table Tennis jong ka 2nd North East Olympic Game 2022 kaba la pyniakhun ha Indoor Hall jong ka NEHU hynnin ka miet na ka liang ki shynrang ka Mizoram kala lah ban pynliem ia ka Manipur da 3-2.
Ka Mizoram kala iakhun tyngeh ha ka jingialehkai wat hadien ba kala shah pynrem ha ki 2 tylli ki jingiathuh pyrshah ia ka Manipur ha kane ka 2nd North East Olympic Game 2022. Da kane ka jingjop ha ka jingiakhun TT ka Mizoram kala ioh khur ia ka takma Ksiar ryngkat ki trophy ia kaba la sam da u President jong ka Meghalaya State Olympic Association u bah John F Kharshiing.
Ki jylla kiba la rem ha ka Semi Final ha baroh ar shynrang bad kynthei kin sa ioh ia ka takma Rnong bad kine ki kynthup ia ka Nagaland bad ka Meghalaya ha ka liang ki shynrang bad ka Meghalaya bad Tripura ha ka liang ki kynthei.