Ka lympung ïalehkai 3rd U Adelbert Laloo Memorial Trophy jong ka kyrdan 3rd Division Football Tournament 2023, ba la pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun kaba nyngkong ka Moodop Royal kala pynliem da 2-1 kol ïa ka Catholic Youth Mihmyntdu. Ïa ki kol na ka Moodop Royal la thep da u Wanshwa Laloo ha ka minit ba 9 & 55, na ka Catholic Youth Mihmyntdu la thep da u Firterborn Talang ha ka minit ba 53.
Ha ka jingïakhun kaba ar Pateinki Sabah kala pynliem da 4-0 kol ïa ka Sohmynting Dongneiñ, ïa ki kol na ka Pateinki Sabah la thep da u Treimi Shylla ha ka minit ba 3 & 33, u Pynshngain Shylla ha ka minit ba 47 bad u Lakhon Dkhar ha ka minit ba 65.
Ha ka jingïakhun kaba lai ka F.A.M kala pynliem da 1-0 kol ïa ka Kseh Sylle Ialong, ïa katei ka shikol naka F.A.M. la thep da u Pynshngainmiki Papang ha ka minit ba 36.
Katba ha ka jingïakhun kaba saw ka Mookyrdup kala pynliem da 2-0 kol ïa ka Khliehmyntdu Neinchnong Mihmyntdu, ïa ki kol na ka Mookyrdup marwei da u Nidaiar Kamar ha ka minit ba 65 & 70+1.