Ka Moodymmai Cricket Club kala jop da 79 runs ïa ka Khliehtyrshi Cricket Club ha ka lympung ïalehkai District Cricket League 2024 kaba la long mynta ka sngi Saitjaiñ bal a pynïaid daka West Jaiñtia Hills District Cricket Association ha Madan Khliehtyrshi Mini Stadium.
Ïa ka Toss la jop da ka Moodymmai bad kaba la jied ban bat nyngkong da kaba kamai 225 runs na ki 34.4 overs bad hap lut baroh ki wickets, kiba kamai runs khambun ki long u Bamanbha Shangpliang 78 runs na ki 52 balls, katba na ka liang ka Khliehtyrshi kiba ïoh ban khur wickets ki long u Demi Khon haduh 3 wickets na ki 7 overs
Haba wan ban beh ïa ka thong ka Khliehtyrshi kala lah ban kamai tang 146 runs na ki 21.2 overs bad hap baroh ki wickets. Kiba kamai runs khambun ki long u Mewada Shylla 38 runs na ki 33 balls bad u Rio Hame Rymbai 33 runs na ki 20 balls. Katba na ka liang ka Moodymmai kiba ïoh ban khur wickets ki long u Bamanbha Shangpliang 5 wickets na ki 6 overs.
Ïa ka nam Man of the Match la ïoh da u Bamanbha Shangpliang jong ka Moodymmai Cricket Club.