Ka Moodymmai, Royalpole bad Mukhla Umlangshor kila long ki nongjop ha ka jingialehkai 3rd Division Football Tournament 2022 jong ka “2nd U Adelbert Laloo Memorial Trophy” ba pyniaid da ka West Jaiñtia District Sports Association (WJDSA) mynta ka sngi ha madan Kiang Nangbah Stadium Jowai.
Ha ka jingiakhun kaba nyngkong ka Moodymmai kala pynliem ia ka Myrjai da 4-1 kol. Ki nongthep kol jong ka Moodymmai ki long u Sunday Talang uba la ioh thep kol ha ka minit kaba 14, u Benison Rymbai ula ioh ban thep ar tylli ki kol ha ka minit kaba 24 bad 71, katba u Daiohbor Chullai ula ioh ban thep kol ha ka minit kaba 68. U nongthep kol jong ka Myrjai u dei u Trei Kyndait uba la ioh ban thep kol ha ka minit kaba 27 jong ka jingialehkai.
Ha ka jingiakhun kaba ar ka Royalpole Mihmyntdu kala pynliem ia ka Khliehchnong Ialong da 3-0 kol, lyngba ki kot ba la ioh ban thep da u Yooluti Pakma ha ka minit kaba 28, u Sumarlang Suting ha ka minit kaba 35 bad u Skhemlang Nongsiej ha ka minit kaba 55.
Ha ka jingiakhun kaba lai ruh ka Mukhla Umlangshor kala pynliem ia ka Tympang da 3-0 kol, lyngba ki kol ba la ioh ban thep da u Sammuel Shylla ha ka minit kaba 17, u Niewkor Sari ha ka minit kaba 48 bad u Heimon Lyngdoh ha ka minit kaba 60.
