Ka lympung ïalehkai 3rd U Adelbert Laloo Memorial Trophy jong ka kyrdan 3rd Division Football Tournament 2023, ba la pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun kaba nyngkong ka Mookaswan Dongwah kala pynliem da 1-0 kol ïa ka Pasyih Cultural, ïa katei ka shikol na ka Mookaswan Dongwah la thep da u Bor Shylla ha ka minit ba 66.
Ha ka jingïakhun kaba ar ka Umlangshor kala pynliem da 5-1 kol ïa ka Loompyrdi Iongpiah, ïa ki kol na ka Umlangshor la thep da u Mihthyme Sumer ha ka minit ba 33, Ryngkat Sumer ha ka minit ba 48, u Nangtei Shylla ha ka minit ba 57, u Rioo Lyngdoh ha ka minit 59, u Niawkor Sari ha ka minit ba 64. Ïa ka kol na ka Loompyrdi Iongpiah la thep da u Salankiru Passah ha ka minit ba 54.
Ka jingïakhun lashai ka sngi 22 tarik kan long hapdeng ka Luti Tuber Ialong pyrshah ïa ka Tpep-Pale ha ka por 10 shiteng mynstep, katba ka Moodymmai kan ïakhun pyrshah ïa ka Lumsliarsliar ha ka por 12 baje shiteng sngi.