Ka lympung ïalehkai kaba la tip kum ka 12th Chatister Kharkongor Memorial Trophy jong ka kyrdan 1st Division Football Tournament 2024, bala pynïaid da ka West Jaiñtia District Sports Association (WJDSA) Jowai kaba la long mynta ka sngi 14 tarik u Risaw ha madan Kiang Nangbah Stadium, Jowai.
Haba phai sha ka jingïakhun ba nyngkong ka kynhun ïalehkai jong ka Mooknor Thadmuthlong kala pynliem da 7-1 kol ïa ka Khliehïongriang, ïa kitei ki kol na ka Mooknor Thadmuthlong la thep da u Ioh i Dhar haka minit ba 11, 79 & 87, u Rimiki Suchiang haka minit ba 56, u Manhok Suchiang haka minit ba 61 & 75 bad u Lad Tang haka minit ba 66. Ïa ka shikol na ka Khliehïongriang la thep da u Basuklang Khonglah haka minit ba 19.
Haka jingïakhun kaba ar hadpeng ka Mynthong pyrshah ïa ka Mookyndur kila poi sha ka jingïakhaid da mar 2-2 kol, ïa ki kol na ka Mynthong la thep da u Wailadmi Shadap haka minit ba 31 bad u Riketto Dkhar haka minit ba 87. Katba ïa ki kol na ka Mookyndur la thep da u Demehi Phawa haka minit ba 2 bad u Bandaplang Pariat haka minit ba 90.