Ka lympung ïalehkai phutbol kaba la tip kum ka “4th U Adelbert Laloo Memorial Trophy” jong ka kyrdan 3rd Division Football Tournament 2024 bala pynïaid da ka West Jaiñtia District Sports Association (WJDSA) Jowai kaba la long mynta ka sngi 16 tarik u Naitung ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong mynta ka sngi ka kynhun ïalehkai jong ka Mookymphad Mihmyntdu kala loh ban pynliem da 2-0 kol ïa ka Lum Sliarsliar, ïa kitei ki kol na ka Mookymphad Mihmyntdu la thep da u Walad Shylla haka minit ba 3 bad u Pyniohlad Papeng haka minit ba 37.
Haka jingïakhun kaba ar ka Myrjai kala pynliem da 1-0 kol ïa ka Dongnein Mookaswan, ïa katei ka shikol la thep da u Lamphrang Kyndait haka minit ba 68.
Ha ka jingïakhun kaba lai hapdeng ka Pasyih Cultural pyrshah ïaka Lumpyrtuh Mihmyntdu kila ïakhaid noh da mar shikol (1-1). Ïa ka kol naka Pasyih Cultural la thep da u D. Rymbai ha ka minit ba 36, katba na ka Lumpyrtuh Mihmyntdu la thep da u A. Rymbai haka minit ba 46.
Katba ha ka jingïakhun kaba saw kine ruh kila ïakhaid khlem don kiba thep kol (0-0) hapdeng ka Mookaswan Dongwah bad ka Catholic Youth Mihmyntdu.