Ka Mookynphad, Mookaswan bad Pammanik kila long ki nongjop ha ka jingialehkai 3rd Division Football Tournament 2022 jong ka “2nd U Adelbert Laloo Memorial Trophy” ba pyniaid da ka West Jaiñtia District Sports Association (WJDSA) mynta ka sngi ha madan Kiang Nangbah Stadium Jowai.
Ha ka jingiakhun kaba nyngkong ka Mookynphad kala pynliem ia ka Mookaswan Dongneiñda 5-0 kol. Ki nongthep kol jong ka Mookynphad ki long u Rimiki Phawa uba la ioh thep kol ha ka minit kaba 26, u Arwanki Rymbai ula ioh ban thep ar kol ha ka minit kaba 46 bad 72, u Ribha Phawa ha ka minit kaba 76 bad u Ram Biam ha ka minit kaba 79.
Ha ka jingiakhun kaba ar ka Mookaswan Dongwah kala pynliem ia ka Catholic Youth Mihmyntdu da 2-1 kol. Ki nongthew kol jong ka Mookaswan Dongwah ki dei u Heimonmi Phawa (OG) bad u Rajesh Dkhar ha ka minit kaba 62. U nongthep kol jong ka Catholic Youth Mihmyntdu u dei u Lukas Ryngkhlem ha ka minit kaba 79.
Ha ka jingiakhun kaba lai Pammanik ka la pynliem ia ka Lumpyrdi Iongpiah da 6-1 kol. Ki nongthep kol jong ka Pammanik ki dei u Jamris Talang uba la ioh ban thep haduh 3 kol kata ha ka minit kaba 19, 70 bad 80+, u Iomi Sajem ha ka minit kaba 36, u Benedict Langstang ha ka minit kaba 44 bad u Iarmi Paslein ha ka minit kaba 74.
Katba u nongthep kol jong ka Lumpyrdi Iongpiah u dei u Kyrtong Najiar uba la ioh ban thep kol ha ka minit kaba 76.