Ka lympung ïalehkai phutbol jong ka kyrdan 3rd Division bala pynïaid da ka East Jaiñtia Hills District Football Association kaba la long mynta ka sngi 17 tarik u Nailur ha madan EJDSA Artificial Turf, Diengshynrum, Khliehriat.
Haba phai sha ka jingïakhun ba nyngkong ka kynhun ïalehkai jong ka Moolang SC kala pynliem da 1-0 kol ïa ka Iongkaluh Wahsder, ïa katei ka shikol na ka Moolang SC la thep da u Lambres Dkhar haka minit ba 38.
Ha ka jingïakhun kaba ar hapdeng ka Suchen Lumiarain SC pyrshah ïa ka Musniang Rimon SC kila poi sha ka jingïakhaid da mar shikol (1-1), ïa ka kol na ka Suchen Lumiarain la thep da u Bestfull Suchen haka minit ba 39, na ka liang ka Musniang Rim SC la thep da u Paitlang Siangshai haka minit ba 18.
Katba ha ka jingïakhun kaba lai ka Lumshnong YWSC kala pynliem da 6-0 kol ïa ka Shiborlang Pynthorsale, ïa kitei ki kol na ka Lumshnong YWSC la thep da u Skhemborlang Rupai lai kol (hattrick) ha ka minit ba 13, 39 & 45, u Justin Niang haka minit ba 34 & 68 bad u Evening Pohshna haka minit ba 37.