Ka lympung ïalehkai phutbol jong ka kyrdan 2nd Division bala pynïaid da ka East Jaiñtia Hills District Football Association kaba la long mynta ka sngi 4 tarik u Nailur ha madan Artificial Turf, Diengshynrum, Khliehriat.
Haba phai sha ka jingïakhun ba nyngkong ka kynhun ïalehkai jong ka Moosianglamare New YWOSC kala jop da 2-0 kol ïa ka Pamra Paithlu SCSC, ïa kitei ki ar kol la thep da u Damon Nongtdu haka minit ba 21 bad u Armiki Dkhar haka minit ba 23.
Ha kawei pat ka jingïakhun hapdeng ka Sutnga Mission SSCC pyrshah ïaka Kairang SC kila poi sha ka jingïakhaid da mar shikol (1-1). Ïa ka kol na ka Kairang SC la thep da u Rimon Nongtdu haka minit ba 6, katba na ka liang ka Sutnga Mission SSCC la thep da u Rimiki Dkhar haka minit ba 56.