Ka jingïalehkai phutbol 1st Division bala pynïaid da ka East Jaiñtia Hills District Football Association (EJHDFA) kaba la long mynta ka sngi ha madan Deinchynrum, Khliehriat.
Haba phai sha ka jingïakhun ka kynhun ïalehkai jong ka Mukhaialong SC ka la pynliem da 2-1 kol ïa ka Ladrymbai-B SC, ïa ki kol na ka Mukhaialong la kum thep bakla da u Samkut Shylla haka minit ba 31 bad u Bino Phawa haka minit ba 38. Ïa ka shikol na ka Ladrymbai B la thep da u Kiarmi Suiam ha ka minit ba 4.
Ha ka jingïakhun kaba ar ka kynhun ïalehkai jong ka Shilliang Umshong SC kala jop da 1-0 kol ïa ka Tpepswer SSWO, ïa katei ka shikol na ka Shilliang Umshong SC la thep da u Perforce Ksih lyngba ka Penalty ha ka kylla miet jong ka minit ba 72.