Ka lympung ïalehkai kaba la tip kum ka 12th Chatister Kharkongor Memorial Trophy jong ka kyrdan 1st Division Football Tournament 2024, bala pynïaid da ka West Jaiñtia District Sports Association (WJDSA) Jowai kaba la long mynta ka sngi 15 tarik u Risaw ha madan Kiang Nangbah Stadium, Jowai.
Haba phai sha ka jingïakhun ba nyngkong ka kynhun ïalehkai jong ka Mukhla Evergreen kala pynliem da 5-0 kol ïa ka Moosalyngkat, ïa kitei ki kol na ka Mukhla Evergreen la thep da u Sparly Ryngkhlem haka minit ba 7 bad u Mebanker Ryngkhlem saw kol haka minit ba 19, 33, 44 & 52.
Ha ka jingïakhun kaba ar kaba long hapdeng ka Chutwakhu pyrshah ïaka Dulong kila poi sha ka jingïakhaid da mar shikol (1-1), ïa ka kol na ka Chutwakhu la thep da u Gladio Susngi haka minit ba 55, katba ïa ka kol na ka Dulong la thep da u Lovingstar Suting haka minit ba 4.