Ka jingïalehkai phutbol bala tip kum ka (L) Keslieoy Pala Invitation Football Tournament 2023 bala pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun mynta ka sngi ka Mukhla FC kala pynliem da 2-1 kol ïa ka Ladthadlaboh SC, ïa ki kol na ka Mukhla FC la thep da u Remark Kharmalki haka minit ba 29 bad u Fullmoon Mukhim haka minit ba 84. Katba ïa ka shikol na ka Ladthadlaboh SC la thep da u Buromlangki Salahe haka minit ba 75.
La pyntip ba ka jingïakhun lashai ka sngi 7 tarik ka long hapdeng ka C.S.A United pyrshah ïa ka Wahiajer Fc ha ka por 2 baje nohphai sngi.