Ka lympung ïalehkai phutbol jong ka kyrdan ‘Super Division Football Tournament – 2024’ ïa kaba la tip kum ka “U Kiang Nangbah Memorial Trophy” bala pynïaid da ka West Jaiñtia District Sports Association, (WJDSA) Jowai kaba la long mynta ka sngi 12 tarik u Naiwieng ha madan Kiang Nangbah Stadium, Dongmihsngi Jowai.
Ha ka jingïakhun kaba nyngkong ka kynhun ïalehkai jong ka Mukhla Raij SC kala pynliem da 4-1 kol ïa ka Sailung Ialong, ïa ka kol na ka Mukhla Raij SC la thep da u Rikamlang Sumer haka minit ba 23, u Chandame Suna ha ka minit ba 51 & 55 bad u Tedyson Bang haka minit ba 60. Ïa ka shikol na ka Sailung Ialong la thep da u Masan War haka minit ba 70.
La pyntip ka jingïakhun haka 13 tarik u Naiwieng, 2024 ka long hapdeng ka Nangbah Mulang pyrshah ïa ka Demthring SC ha ka por 11 baje mynstep. Ka Ladthadlaboh SC kan ïakhun pyrshah ïa ka 7 Wasa United ha ka por 2 baje nohphai sngi.