Ka lympung ïalehkai phutbol Independence Day Cub Under-17 Football Tournament 2023 bala pynïaid da ka West Jaiñtia District Sports Association (WJDSA) kaba la long mynta ka sngi saitjaiñ ha madan Kiang Nangbah Stadium, Dongmihsngi Jowai.
Ha kane ka jingïakhun Pre Quarter mynta ka sngi ka kynhun ïalehkai jong ka Mukhla Raij kala pynliem da 3-2 kol ïa ka Lion, ïa ki kol na ka Mukhla Raij la thep da u Edwin Suna ha ka minit ba 11 bad u Guisldingstar Suna ar kol ha ka minit ba 31 & 60+1. Na ka liang ka Lion la thep da u Nikhil shylla ha ka minit ba 30 bad u Banker Lang Dkhar ha ka minit ba 53.
Katba ha ka jingïakhun kaba ar ka Dulong kala lah ban pynliem da 1-0 kol ïa ka Lumpariat, ïa katei ka shikol na ka Dulong la kum thep bakla da u Esalanme Bareh (own goal) ha ka minit kaba 58.