Ka jingïalehkai phutbol bala tip kum ka (L) Keslieoy Pala Invitation Football Tournament 2023 bala pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun ka kynhun ïalehkai jong ka Mynsngat FC kala pynliem da 4-1 kol ïa ka Mookyndur, ïa ki kol na ka Mynsngat la thep lai (3) kol da u Nidaioh Dhar kata haka minit ba 24, 44 & 84 bad u Army Talang haka minit ba 79.
Katba ïa ka shikol na ka Mookyndur la ïoh ban thep da u Lammida o Dkhar haka minit ba 41. La pyntip ba ka jingïakhun lashai ka sngi 9 tarik ka long hapdeng ka Mookyrdup FC pyrshah ïa ka Rymbai Shkenshynriah FC ha ka por 2 baje nohphai sngi.