Ka lympung ïalehkai phutbol kaba la tip kum ka “3rd Sniawbhalang Football Tournament 2023” kaba la long mynta ka sngi 20 tarik u Nohprah ha madan Wahiajer Stadium Wahiajer West Jaiñtia Hills District.
Haba phai sha ka jingïakhun ba nongkong na ka liang ka Namdong B kala lah ban pynliem da 2-1 kol ïaka Bamkamar, ïa ki kol na ka Namdong-B la thep da u Daniel Dkhar haka minit ba 22 bad u Leimiki Dkhar haka minit ba 30. Ïa ka shikol na ka Bamkamar la thep da u Kharlius Nongrum haka minit ba 10.
Haka jingïakhun kaba ar ka kynhun ïalehkai jong ka Nongkhroh kala pynliem da 8-0 kol ïaka Moorap, ïa kitei ki kol na ka Nongkhroh la thep da u Deciderius Pyrtuh haka minit ba 30 & 65, u Rio Myrboh haka minit ba 35, 56, 58 & 64, u Snowel Kharsati haka minit ba 53 bad u Riborlang Kharsati haka minit ba 67.
La pyntip ba ka jingïakhun lashai ka sngi 21 tarik u Nohprah kan long hapdeng ka Umladang pyrshah ïaka Myngkrem haka por 2 baje nohphai sngi.