Ka jingïalehkai phutbol haka kyrdan Super Division Football Tournament 2023 ba la ai kyrteng ‘U Kiang Nangbah Memorial Trophy 2023’ ïa kaba la pynïaid da ka West Jaiñtia District Sports Association, (WJDSA) Jowai mynta ka sngi ha madan Kiang Nangbah Stadium, Dongmihsngi Jowai.
Ha ka jingïakhun naka liang ka kynhun ïalehkai jong ka Nangbah Mulang kala lah ban pynliem da 3-1 kol ïaka Ladthadlaboh, ka Nangbah Mulang kala ïoh ban thep ïa kitei ki lai kol lyngba u Wirldrick Susngi haka minit ba 27 & 66 bad u Chanhok Siangshai haka minit ba 90+3. Katba na ka liang ka Ladthadlaboh la thep da u Banteilang Shylla haka minit ba 60.
La pyntip ba ka jingïakhun lashai ka sngi 28.10.2023 kan long hapdeng ka Khimusniang pyrshah ïa ka Mukhla Raij SC haka por 2 baje nohphai sngi.