Ka Nangbah Mulang kala jop da 4-1 kol ïaka Dienchynrum FC haka jingïakhun mynta ka sngi ha ka lympung ïalehkai phutbol “8th Invitation Knock-Out Football Tournament-2024″ ba la pynïaid da ka Wahiajer Sport Cultural Club, West Jaiñtia Hills District.
Ïa kitei ki kol ka Nangbah Mulang la ïoh thep mar ar kol da u Suting Syrti haka min ba 1 & 56 bad u Pynshai Lathong haka minit ba 47 & 78. Katba ïaka shi kol na ka Dienchynrum FC la ïoh thep da u Bewithus Sympli haka minit ba 36.
Ha ka jingïakhun mynta ka sngi ïa ka nam Man of the Match lah ïoh khur da u Suting Syrti naka Nangbah Mulang.
La pyntip ba ka jingïakhun ba bud kan long haka 7/9/2024 hapdeng ka Evergreen SC pyrshah ïaka Brother United haka por 2:30 nohphai sngi.
Kum ban pynkynmaw ka kynhun ba ïoh rah ïa ka nam lahduh ka ïoh rong ïa ka song pisa kaba 2,30,000/- tyngka, katba ka kynhun ba wan ba ar ka ïoh 1,20,000/- tyngka. Baroh ki kynhun kiba wan ïakhun ha kane ka lympung ki don 32 tylli.