Ka Nongdawah kala jop da 5-1 kol ïaka Najan hi FC ha ka jingïakhun mynta ka sngi 30 tarik u Nailur haka lympung “8th Invitation Knock-out Football Tournament” ba la pynïaid da ka Wahiajer Sport Cultural Club, West Jaiñtia Hills District ha madan Waiajer Multi Sports Complex.
Haba phai sha ka jingïakhun ïa kitei ki kol na ka Nongdawah la ïoh ban thep da u Shano Tariang haka minit 46, 68, u Nickelson Bina haka minit ba 20, u Chanmitre Thma haka minit ba 79 bad kawei ka kol la kum thep bakla (own goal) da u Streamly Phawa haka minit ba 7. Katba ïa ka shikol na ka Najan hi FC la thep da u Kamjuhi Phawa haka minit ba 4.
Ïaka Man of the Match la ïoh rah da u Shano Tariang, la pyntip ka jingiakhun ba bad kan long ha ka 2/10/2024 hapdeng ka Brother FC pyrshah ïa ka Eastern Warriors haka por 2 baje nohphai sngi.