Ka Nonglatem bad ka Royal Pole Mihmyntdu kila long ki nongjop katba ka Mawsiang FC bad ka Moodymmai kila poi sha ka jingiakhaid ha ka jingialehkai 3rd Division jong ka ‘2nd U Adelbert Laloo Memorial Trophy’ ba la pyniaid da ka West Jaiñtia District Sports Association (WJDSA) mynta ka sngi, ha Kiang Nangbah Stadium Jowai.
Ha ka jingiakhun ba nyngkong ka Nonglatem kala pynliem ia ka Tympang da 5-0 kol. Ki nongthep kol ki long u Daioki Dkhar uba la kum thep bakla shala ka jong ka kol (OG) ha ka minit kaba 49, u Watkletbha Nongrum uba la ioh ban thep ar kol ha ka minit kaba 62 bad 64, u Bulmi Phawa ha ka minit kaba 67 bad u Living Suja ha ka minit kaba 73.
Ha ka jingïakhun ba ar ka Mawsiang FC pyrshah ia ka Moodymmai kila poi sha ka jingiakhaid da mar la 0-0 kol.
Ha ka jingiakhun kaba lai ka Royal Pole Mihmyntdu ka la pynliem ia ka Iooksi Youth Welfare da 2-1 kol.
U Mandamiat Khonglah ula long u nongthep kol jong ka Royal Pole Mihmyntdu uba la ioh ban thep baroh tylli ki kol ha ka minit kaba 52 bad 62.
Katba u nongthep kol jong ka Iooksi Youth Welfare u dei u Tympang Tangliang uba la ioh ban thep kol ha ka minit kaba 26.